Улаанбаатар хотын хөгжилд гар бие оролцон, нийслэлчүүдийнхээ тав тухтай орчинг бүрдүүлж, ирээдүй болсон хүүхдүүдийнхээ төлөө эрүүл, цэвэр агаартай хотыг бий болгохоор хөгжлийн дэвшилтэт, шинэ технологийг нэвтрүүлж, сэтгэл нийлэн хамтран алхаж буй нийт байгууллага, дотоод, гадаадын хөрөнгө оруулагч болон нийслэлчүүддээ талархал илэрхийлэн мэндчилгээ дэвшүүлж байна.
Эх орныхоо байгалийн хийн түлш /LNG/CNG/-ний салбарт бид бүхэн анхдагч байж, нийтийн тээврийн том оврын автобусад байгалийн шингэрүүлсэн хийн түлш нэвтрүүлэх төслийг амжилттай хэрэгжүүлэн цаашид гэр хорооллын айл өрхүүдийн халаалт, ахуйн хэрэглээг байгалийн хийгээр солих, байгалийн хий бүхий эрчим хүчний найдвартай эх үүсвэр бий болгохоор зорин ажиллаж байна.
Бид дэлхий нийтээр хэрэглэж байгаа байгалийн хий бүхий эрчим хүчний эх үүсвэрийг Монгол улс, тэр дундаа Улаанбаатар хотод бий болгон, агаарын бохирдлоо бууруулж, байгаль орчинд ээлтэй дэвшилтэт технологийн нэвтрүүлэхийн тулд гадаад, дотоодын бизнес эрхлэгчидтэй харилцан ашигтай хамтран ажиллаж, бизнесийн түнш болоход бидний хаалга үргэлж нээлттэй байх болно.
Хүндэтгэсэн
Гүйцэтгэх Захирал
Э.Ганбат