УМАРД МӨСӨН ДАЛАЙГ ЦЭВЭРЛЭХ ХОЛБОО: Ачаа тээвэрлэлтийн түлшийг байгальд ээлтэй түлшээр солих санал гаргалаа.

Умард мөсөн далайг цэвэрлэх холбооноос гаргасан  далайн усан онгоцны түлшийг илүү цэвэр буюу шингэрүүлсэн байгалийн хий (LNG) түлшээр солих саналыг ОХУ-ын Ерөнхийлөгч Владимир Путин болон Финьляндийн Ерөнхийлөгч Саули Нинисто нар хүлээн авлаа.

• Умард мөсөн далайн тээвэрлэлтэд хамгийн их хэмжээгээр хэрэглэгддэг түлш бол усан онгоцны хүнд түлш ба энэ нь их бохирдол ялгаруулдаг түлш юм.
• Усан онгоцны хүнд түлшийг тээвэрлэх болон хэрэглэх нь хоёр том аюулыг дагуулж байна. Эхнийх нь, зуурамтгай чанараас нь болж энэхүү хүнд түлшний далайд асгарсан хаягдлыг цэвэрлэх боломжгүй. Түүнчлэн Тосны асгаралтын эсрэг тэмцэх газрын тоног төхөөрөмжийн хүчин чадал Умард мөсөн далайн алслагдсан газарт асгарсан хаягдлыг цэвэрлэн шүүхэд хүрэлцэхгүй байдаг. Хоёрдугаарт, усан онгоцны хөдөлгүүрээс шаталтын явцад хар нүүрстөрөгч ялгардаг ба хар нүүрстөрөгч халууныг шингээн цас, мөсөн дээр тогтон хайлах явцыг нь хурдасгадаг. Умард мөсөн далайг цэвэрлэх холбооноос далайн хамгийн том мөсөн уул энэ жил хоёр удаа хагарсаныг баримттайгаар танилцуулсан.
• 2018 оны 4 сард болж өнгөрсөн Олон улсын далайн байгууллагын Далайн байгаль орчныг хамгаалах хороо (MEPC72) усан онгоцны хүнд түлш дээр Умард мөсөн далайн зүгээс хориг тавих тухай саналыг хэрэгжүүлж эхлэх талаар хэлэлцсэн ба уулзалтын үеэр 2019 оны ихээр уулзалт зохион байгуулах дэд хороо (PPR6)-г томилсон юм. Энэхүү дэд хороо нь усан онгоцны хүнд түлшийг тээвэрлэх болон усан онгоцонд хэрэглэх тухай хоригийг “нөлөөллийн үнэлгээний үндсэн дээр” боловсруулан хэрэгжүүлэх юм.
• Олон улсын далайн байгууллагын Далайн байгаль орчныг хамгаалах хороо энэ 2018 оны 10 сард Лондон хотод (MEPC72) уулзах болно.
• Умард мөсөн далайг цэвэрлэх холбоо нь далайн усаар усан онгоцны хүнд түлшийн тээвэрлэлт болон хэрэглээг хориглох компанит ажил явуулж байгаа бөгөөд ОХУ саяхныг хүртэл энэ хоригийг дэмжихгүй байсан юм. ОХУ уг хоригийг хамгийн эцсийн арга зам гэж харж байгаа бөгөөд сөрөг нөлөөллийг бууруулах бусад хувилбаруудыг хайх нь зөв гэж үзэж байсан юм. ОХУ-ын “Совкомфлот”(Sovcomflot) төрийн өмчит тээврийн компани газрын тосны түлшнээс татгалзах хэрэгтэй гэж үзсэнээр далайн бункер түлшний нийл  үүлэгч “Газпром нефть” 2025 оноос шатахуун хэрэглээг зогсоохоор төлөвлөж байна.