ЯПОН УЛСЫН БАЙГАЛИЙН ХИЙН ЧИГ ХАНДЛАГА
Байгалийн хий нь хүхрийн исэлгүй, нүүрстэй харьцуулахад азотын исэл ялгаруулалт 40%-аар бага ба байгаль экологид ээлтэй эрчим хүчний эх үүсвэр юм.
Кавасаки компани нь 1982 оноос байгалийн хийг -1620C градусд шингэрүүлэн нам даралтын савд хадгалах технологид сууриласан байгалийн шингэрүүлсэн хийн /LNG/ агуулахын танкын судалгаа, түүнийг хөгжүүлэх анхны туршилтуудыг хийж эхэлсэн байна. Ингэснээр давхар метал ханатай сав, гүний сав, газар дээрх ба доорх мембран сав болон цутгамал бетон ханатай зэрэг савны янз бүрийн арга технологийг ашиглан LNG хадгалах танкийг боловсронгуй болгон хөгжүүлсэн байна.
2010 онд Кавасаки компани нь “Sakaide LNG” компанийн захиалгаар байгалийн шингэрүүлсэн хий хадгалах болон хуваарилах терминалийг барьж дуусгасан ба тус терминал нь LNG хадгалах сав, LNG ачих, буулгах, хуваарилах бүх үйл ажиллагаа нь бүрэн автомат тоног төхөөрөмжүүдээс бүрдсэн чадварлаг инженерүүдийн бүтээл, LNG агуулахын цогц шийдэл болсон юм. Энэхүү төслийг амжилттай дуусгаснаар олон тооны захиалга авч эхэлсэн.
Кавасаки компани нь дэлхий дээрх хамгийн том, хамгийн их багтаамжтай газрын гадаргуугийн LNG сав /Tokyo Gas; хүчин чадал: 230,000 kl, Toho Gas; хүчин чадал: 220,000 kl/ -ыг үйлдвэрлэж, ашиглалтанд оруулжээ.
LNG байгалийн шингэрүүлсэн хийн хэрэглээний эхлэл /1980 он/
Анх 1982 онд Кавасаки компани нь дотроо зэвэрдэггүй ган бүтэцтэй хий хадгалах сав хийсэн бөгөөд 1983 онд никель ган хавтан болон гулзайлт үүсгэдэггүй технологи ашигласан. Токиогийн газ компанийн Ohgishima дахь LNG мембран сав. (1998 онд баригдсан), Сагбокүгийн Осака газын PC-ийн гадна хананы LNG сав (1996 онд дууссан)
LNG савны багтаамжийн өсөлт /1990 он/
LNG байгалийн хийн эрэлт хэрэгцээ нэмэгдэхийн хэрээр LNG хадгалах савны багтаамж илүү их байх шаардлагатай болсон. 1996 онд Кавасаки нь анхны том хэмжээний, гадна талын хана нь бүрэн битүүмжлэгдсэн маш том хэмжээний LNG савыг зохион бүтээсэн бөгөөд тус технологийн үндэс суурийг бий болгосон. Мөн Танегашима сансрын төвд шингэрүүлсэн устөрөгчийг нийлүүлэх технологийг нэвтрүүлж, нисгэгчгүй тээврийн хэрэгсэлд түлш болгон ашиглаж байна.
Иж бүрэн шийдэл /2000-2018 он/
2000-2010 онд Kawasaki компани нь LNG терминал бүхий бүх тоног төхөөрөмжийг нийлүүлж бүрэн түлхүүр гардуулах нөхцөлөөр томоохон төсөл хөтөлбөрүүдийг хэрэгжүүлдэг болсон. Уг төслүүдийг амжилттай хэрэгжүүлснээр Kawasaki нь LNG ийн бүх шийдлүүдийг гаргаж хамгийн том нийлүүлэгч болох алхмыг тавьж амжилтаа ахиулсан. Ингэснээр 2018 онд хэд хэдэн байгалийн шингэрүүлсэн хий /LNG/ хадгалах савнууд нь дэлхийд хамгийн томд тооцогдож байна.
